भारत रत्न, संविधान निर्माता डा. भीमराव अंबेडकर जी की 127 वीं जयतीं पर आपको शुभकामनांए एक कविता आपके समक्ष मैंने लिखी है जरूर पढ़ना---
बाबा साहब तेरे काम नै देखके
बाबा साहब तेरी शान नै देखके, कररै सां पुकार तनै
लौट के आजा एक बार बाबा, करा भारत का उद्धार तनै

भारत के महा ओ मसीहा आज के दिन तनै जन्म लिया
गरीबी, जाति मिटान का तने सबते पहलां पर्ण लिया
महिलाओं के हक की खातिर करा था कानून तैयार तनै
लौट के आजा एक बार बाबा, करा भारत का उद्धार तनै

जात-पात करणियां नै आपको, कमरे से बाहर बिठाया था
फेर भी पढ़ लिखके नै आपने, दुनिया म्ह नाम कमाया था
मानवता के हत्यारां पै, करी थी कसूती मार तनै
लौट के आजा एक बार बाबा, करा भारत का उद्धार तनै

बाबा साहब तेरा जिकरा इब तो सारी जगां पै होरा सै,
आधुनिक भारत के निर्माता, इस समाज जागरूक होरा सै,
तेरी मेहनत के दम पै, दिया भारत रत्न पुरस्कार तनै
लौट के आजा एक बार बाबा, करा भारत का उद्धार तनै

127 वीं जयंती मनावां हाम, जय भीम का नारा लाके नै,
तेरे चरणां म्हं नमन है म्हारा, बस दे जा दर्षन आके नै,
दिल से नमन करे संदीप भुरटाना, ओ संविधान के षिल्पकार तनै
लौट के आजा एक बार बाबा, करा भारत का उद्धार तनै