हाम हरियाणा आले तो नुए काच्चै कांटागे
हरि का आडे आणा भाई नाम धरा हरियाणा
उसे टेम तै आज तई सै दूध दही का खाणा
चूरमा टिंडी खा-खा कै नुए आंगली चांटागे हाम हरियाणा आले तो नुए काच्चै कांटागे
तीज त्योहार हाम सारे मिल के मनावां सां
हर टेम म्हारी संस्करिति नै आगै लावां सां
बस हरियाणवी हो बात नुए देशी रंग छाटांगे
हाम हरियाणा आले तो नुए काच्चै कांटागे
खेल कूद और पढाई म्हं सारे आगै जारै सां
कद बण हरियाणवी भाषा जोर घणा लारै सां
सारै जणे मिलके आपणे सुख दुख साटांगे हाम हरियाणा आले तो नुए काच्चै कांटागे
हरियाणा आलां की बात होव लोह लाट सै
संदीप कंवल भुरटाणे आला कररया ठाठ सै
ठाठ बाट तै सारी उम्र ऐश तै काटांगे
आपणे सुख दुखां नै नुए कटठे होके बांटागे
हाम हरियाणा आले तो नुए काच्चै कांटागे
1 comment:
very nice sir.. kya likha hai aapne padh kar mazaa aa gaya
Post a Comment